Navenda Nûçeyan-Li bajarê Kerbela yê Iraqê, xwepêşanderên Iraqî êrişî konsolxaneya Îranê kirin, alaya Îranê anîn xwarê û alaya Iraqê li dewsa wê danîn.

Şeva borî jî li gelek bajarên Iraqê xwepêşandan û alozî hebûn.

Li gorî agahîyan, xwepêşanderan li Kerbelayê êrişî konsolxaneya Îranê kirin. Hêzên ewlehîyê nekarîn xwepêşanderan kontrol bikin.

Xwepêşanderan alaya Îranê anîn xwarê û li dewsa wê alaya Iraqê danîn. Di wan alozîyan de kesek hat kuştin û çend kes jî birîndar bûn.

 Çavkanî:Basnews