Merkezê Xeberan- Serekê Pêroyî yê PAKî Birêz Mustafa Özçelik, endamê Komîteya Rayverî ya Merkezî û mesulê Başûrê Kurdistanî Birêz Orhan Kaya û îdarekerê Komîteya Başûrê Kurdistanî yê PAKî Birêz Evdirehmanê Gundikî, roja 12.2.2019 de Pîrmamê qezaya Hewlêrî de Ofîsê Têkilîya Teberî yê PDKî zîyaret kerd.
Mesulê Ofîsê Têkilîya Teberî yê PDKî birêz Hoşyar Siwêylî û îdarekerên Ofîsê Têkilîya Teberî yê PDKì amê heyeta PAKî vera.
Zîyaretî de her di heyetan behsê muhîmîya têkilîya mabênê PDK û PAKî kerd û derheqê rewşa her çar perçeyanê Kurdistanî de fikir û rayîrî pêşkêş kerdî.
Pêvînayîşê heyetanê PAK û PDKî bi hawayêko dostane û serkewte vîyart.
Buroya Çapemenî û Têkilîye ya PAKî